«Заң және тәртіп: құқықтық сана – қауіпсіз болашақ»

Бүгін «Ш. Айманов атындағы №20 жалпы орта білім беретін мектебі» КММ-де оқушылардың құқықтық сауаттылығын арттыру, заң талаптарын түсіндіру және қауіпсіз мінез-құлық мәдениетін қалыптастыру мақсатында **«Заң және тәртіп: құқықтық сана – қауіпсіз болашақ»** тақырыбында мазмұнды лекция өтті. Іс-шара барысында оқушыларға заң мен тәртіпті сақтау, кәмелетке толмағандардың құқықтары мен міндеттері, құқық бұзушылықтың алдын алу, қауіпсіздік ережелері және психологиялық қолдаудың маңыздылығы жөнінде маңызды ақпараттар берілді. Лекцияға арнайы шақырылған мамандар өз тәжірибелерімен бөлісіп, оқушылардың сұрақтарына жауап берді: Сарыарқа ауданы Полиция басқармасының кәмелетке толмағандар істері жөніндегі учаскелік инспекторы, полиция капитаны Кодеков Жанат Бекенович;** Астана қаласы әкімдігінің Балалардың құқықтарын қорғау орталығының заңгері Данғилов Хабидуллаевич;** Сарыарқа ауданы прокуратурасы бөлімінің аға прокуроры Ахметова Бәдір Асқарқызы;** Психологиялық қолдау орталығының психологиялық жұмыс бөлімінің жетекшісі Борисов Яков Александрович.** Осындай кездесулер жасөспірімдердің құқықтық мәдениетін қалыптастырып, өз құқықтары мен міндеттерін білуіне, қауіпсіздікке жауапкершілікпен қарауына үлкен ықпал етеді. Заңды білу — өз құқығыңды қорғау. Тәртіпті сақтау — қауіпсіз болашақтың негізі!

---